އަންގާރަ 07 ޖުލައި 2020
07 ފުނޯސް
1441 ޒުލްގައިދާ 16
ފަތިސް 04:41
އިރުއަރާ 05:59
މެންދުރު 12:15
އަސްރު 15:38
އިރުއޮއްސޭ 18:23
އިޝާ 19:41
ފިނޭންސް މިނިސްޓްރީ

ސަރުކާރު މުއައްޒަފުންގެ އެލަވަންސްތައް އެއް ހަމަކުރަނީ

  • ސަރުކާރު މުއައްޒަފުންގެ މުސާރައިގެ އާ އޮނިގަނޑަށް އަންނަ އަހަރުން ފެށިގެން އަމަލު ކުރާނެ

ކ. މާލެ | 8 ސެޕްޓެންބަރ 2019 | އާދީއްތަ 12:58 | 18,793

ފިނޭންސްް މިނިސްޓްރީ - މުހައްމަދު ޝަރުހާން

ސަރުކާރު މުއައްޒަފުންގެ އެލަވަންސްތަކާއި އެލަވަންސްތަކުގެ މިންގަނޑުތަކާއި ހަމަތައް އެއްހަމަކުރުމުގެ މަސައްކަތް ކުރަމުންދާކަމަށް ފިނޭންސް މިނިސްޓްރީން ބުނެފިއެވެ.

ދައުލަތުގެ މުއައްޒަފުންގެ މުސާރައާއި އިނާޔަތްތަކުގެ ސިޔާސަތުތަކާއި ހަމަތަކާއި އުސޫލުތަކާއި މިންގަނޑުތައް ކަނޑައެޅުމާ ބެހޭ ގޮތުން ފިނޭންސް މިނިސްޓްރީން އެކުލަވާލާފައިވާ ޕޭ ކޮމިޝަނުން ނެރެފައިވާ ސަރކިއުލާގައި ބުނެފައިވަނީ ސަރުކާރު މުއައްޒަފުންގެ އެލަވަންސްތަކާއި ގުޅޭ މައުލޫމާތު މުސާރައިގެ އޮނިގަނޑާއި އެކު އާންމު ކުރާނެ ކަމަށެވެ.

އެ ސަރކިުލާގައި ބުނެފައިވަނީ ދައުލަތުގައި ހިމެނޭކަމަށް ފާހަގަ ކުރެވިފައިވާ 96 ފަންނުތަކުގެ ގިންތިތަކާއި ފަންތިތަކާއި ޝަރުތުތައް ކަނޑައެޅުމުގެ މަސައްކަތް ކުރިއަށް ގެންދާކަމަށެވެ. އެއިން ކޮންމެ ފަންނެއްގެ ގިންތިތަކާއި ފަންތިތަކާއި ޝަރުތުތަކާއި ބެހޭގޮތުން ވަކިވަކިން އެފަންނުތަކުގެ މުއައްޒަފުންތަކާއެކުގައި ތަފާތު އިދާރާތަކުގައި މަޝްވަރާ ބައްދަލުވުންތަކެއް ކުރިއަށް ގެންދަން ބޭނުންވާތީ ޕޭ ކޮމިޝަނުން ކުރިއަށްދާކަމަށެވެ. އެހެންކަމުން ހުރިހާ ފަރާތްތަކުގެ އެއްބާރުލުން ބޭނުންވާކަމަށް އެކޮމިޝަނުން ބުނެފައިވެއެވެ.

ކޮންމެ ފަންނެއްގެ ގިންތިތަކާއި ފަންތިތަކާއި ޝަރުތުތައް ކަނޑައެޅުމަށްފަހު ކޮންމެ ފަންނެއްގެ މުސާރަތައް ހިމެނޭ ގޮތަށް މުސާރައިގެ އާ އޮނިގަނޑު ކޮމިޝަނުން އެކުލަވާލައި އަންނަ އަހަރު އެކޮމިޝަނުން އެއަށް އަމަލު ކުރުމަށް ވަނީ ނިންމާފައި ކަަމަށެވެ. އަދި އެކޮމިޝަންގެ މަސައްކަތް ހަލުވި ކުރުމަށް މޯލްޑިވްސް ޕަބްލިކް ސަރވިސް ޖޮބް ފެމެލީ މޮޑެލްގައި މިހާރު ހިމެނޭ ފަންނުތަކުގެ ގިންތިތަކާއި ފަންތިތަކާއި ޝަރުތުތަކާއި ބެހޭ މައުލޫމާތާއި އިސްލާހު ކުރުމަށް ހުށައެޅި މައުލޫމާތުގެ ދެލިކޮޕީތައް މިމަހުގެ 19އިގެ ކުރިން އެކޮމިޝަނަށް ހުށައެޅުމަށް ވަނީ އެދިފައެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.