ގްރްޓާރ ގާރވިގް ގެ ފިލްމް "ލިޓިލް ވިމެން"ގެ ޓްރެއިލަރ އާންމު ކޮށްފިއެވެ.

އެމެރިކާގެ އެކްޓަރ، ސްކްރީން ރައިޓަރ އަދި ޑިރެކްޓަރ ގްރްޓާރގެ މި ފިލްމު ރިލީސް ކުރަން ހަމަޖެހިފައިވަނީ މި އަހަރުގެ ޑިސެންބަރު މަހުއެވެ.

ލުއިސާ މެ އެލްކޮޓްގެ ވާހަކައެއްގެ މައްޗަށް ބިނާކޮށް ހަދާފާވާ މި ފިލްމަކީ 1860 ގެ އަހަރު ތަކުގައި ނިއު އިންގްލޭންޑްގައި ދިރިއުޅުނު އެއްބަނޑު އެއްބަފާ ހަތަރު އަންހެން ކުދިންގެ ހަޔާތް ދައްކާދޭ ފިލްމެކެވެ.

އެމެރިކާގެ މަޝްހޫރު ތަރިން ކަމަށްވާ ސިއަރޝާރ ރޯނަން، ޓިމޮތީ ޝަލަހްމޭ، މެރީލް ސްޓްރީޕް، ލައުރާ ޑޭރން، އެމާ ވަޓްސަން، ފްލޮރެންސް ޕިއު، އެލީޒާ ސްކެލެން އަދި ޓްރޭސީ ލެޓްސް މި ފިލްމުން ފެނިގެން ދާނެއެވެ.

އެމާ ވަޓްސަން ފިލްމުން ފެނިގެންދާނީ ކުރިން އެމާ ސްޓޯން ފެނިގެން ދިއުމަށް ހަމަޖެހުނު ރޯލުންނެވެ. އެހެން ނަމަވެސް އެމާ ސްޓޯން ވަނީ ފިލްމުގެ ޝޫޓިންއާ އޭނާގެ ޝެޑިއުލާ ބުރުއަރާތީ ފިލްމު ދޫކޮށް ގޮސްފައެވެ.