އަންގާރަ 20 އޮކްޓޯބަރ 2020
03 ހެއި
1442 ރަބީއުލް އައްވަލް 03
ފަތިސް 04:37
އިރުއަރާ 05:49
މެންދުރު 11:55
އަސްރު 15:10
އިރުއޮއްސޭ 17:53
އިޝާ 19:05
ހައްޖު 1438

ހައްޖުން ދޭން ޖެހޭ މެސެޖަކީ އެއްބައިވަންތަކަން: ހަރަމްފުޅުގެ އިމާމް

  • މަސްޖިދުއް ހަރާމަށް 1.5 މިލިއަން މުސްލިމުން ހުކުރު ނަމާދަށް ދިޔަ

ކ. މާލެ | 26 އޯގަސްޓް 2017 | ހޮނިހިރު 17:30 | 3,794

މަސްޖިދުލް ހަރާމަށް މިދިޔަ ހުކުރު ނަމާދަށް މީހުން ޖަމާވަމުން ދަނިކޮށް ނަގާފައިވާ ފޮޓޯއެއް - އޮކާޒް

ހައްޖުގެ އަޅުކަމުގެ ތެރެއިން މުސްލިމުން ދޭން މެސެޖަކީ މުސްލިމް އުއްމަތުގެ އެއްބައިވަންތަކަން ކަމުގައި ހަރަމްފުޅުގެ އިމާމް އަދި ޚަތީބު ވިދާޅުވެއްޖެއެވެ.

ހުކުރު ދުވަހު މަސްޖިދުލް ހަރާމްގައި އިއްވި ޚުތުބާގައި ބުނެފައިވަނީ މުސްލިމުންގެ މެދުގައި ބައިބައިވުން އުފެދުމަކީ މުސްލިމުން ފަހަތައް ދާނެ ކަމެއް ކަމުގައެވެ.

"މުސްލިމުންގެ މެދުގައި ބައިބައިވުން އުފެދުމުން ގޮސް ވެއްޓެނީ ޖާހިލިއްޔަ ޒަމާނަށް، އަދި މުސްލިމުންގެ މެދުގައި ހުންނަ ތަފާތުތައް ރަމްޒްކޮށްދެނީ އަނދިރި ޒަމާން" އިމާމް ވިދާޅުވިއެވެ.

މާފު ކުރުމާއި، ލޯތްބާއި، އުޚުއްވަތްތެރި ކަމާއި، ހަމަހަމަ ކަމާއި، އެހެން މީހުންގެ ކަންކަމަށް އިހްތިރާމް ކުރުން ފަދަ މުސްލިމުންގެ ކިބައިގައި ހުންނަން ޖެހޭ ސިފަތަކުގެ މުހިންމު ކަމުގެ މައްޗަށްވެސް ޚުތުބާގައި އަލިއަޅުއްވާލެއްވިއެވެ. އިމާމް ވިދާޅުވީ މާފް ކުރުމުގެ ތެރެއިން މުސްލިމުންގެ މެދުގައިވާ ދެބަސްވުންތައް ނައްތާލަންޖެހޭ ކަމަށެވެ.

ހައްޖުގެ ސިއާރަކަށް ވާންޖެހޭނީ ހަމައެކަނި ﷲ ގެ އެއްކައުވަންތަ ކަމާއި ރަސޫލާގެ ސުންނަތް ކަން ހައްޖުވެރިންނަށް އިމާމު ހަނދާން ކޮށް ދެއްވިއެވެ. އިމާމު ވިދާޅުވީ ހައްޖުގެ އަޅުކަމުގެ މަގްސަދާ ޚިލާފް އެއްވެސް ކަމެއްގެ ތެރެއަށް ހައްޖުވެރިން ވަދެގެން ނުވާނެ ކަމަށެވެ.

މަސްޖިދުލް ހަރާމްގައި ކުރި ހުކުރު ނަމާދުގައި 1.5 މިލިއަނަށް ވުރެ ގިނަ މީހުން ބައިވެރިވިއެވެ.

 

 

އެންމެ ފަހުން އަޕްޑޭޓް ކުރީ: 7 މަސް ކުރިން | ރިވިއު ކުރީ: ރާއްޖެ އެމްވީ

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.